George North yn dychwelyd i dîm Cymru i wynebu Iwerddon

Sam Warburton a George North Image copyright Huw Evans picture agency
Image caption Mae gan Warburton anaf i'w ysgwydd, ond bydd North yn ennill ei 50fed cap

Mae Warren Gatland wedi dewis tîm profiadol i wynebu Iwerddon yn Nulyn ddydd Sadwrn.

Mae George North yn dychwelyd i'r tîm, a bydd yn chwarae am y tro cyntaf ers mis Mawrth - pan gafodd ei daro'n anymwybodol.

Ond dyw'r capten Sam Warburton ddim ymhlith y 23 a ddewiswyd oherwydd man anaf i'w ysgwydd.

Bydd prop Exeter, Tomas Francis, yn ennill ei gap cyntaf i Gymru, a'r ail reng Alun Wyn Jones yw'r capten.

Bydd Gatland yn dewis ei garfan o 31 o chwaraewyr ar gyfer Cwpan Rygbi'r Byd 31 Awst.

Tîm Cymru

Leigh Halfpenny (Toulon), Alex Cuthbert (Gleision), Scott Williams (Scarlets), Jamie Roberts (Harlequins), George North (Northampton Saints); Dan Biggar (Gweilch), Rhys Webb (Gweilch); Gethin Jenkins (Gleision), Ken Owens (Scarlets), Tomas Francis (Exeter Chiefs), Bradley Davies (Wasps), Alun Wyn Jones (Gweilch, capten), Dan Lydiate (Gweilch), Justin Tipuric (Gweilch), Taulupe Faletau (Dreigiau).

Eilyddion: Scott Baldwin (Gweilch), Paul James (Gweilch), Aaron Jarvis (Gweilch), Luke Charteris (Racing Metro), James King (Gweilch), Gareth Davies (Scarlets), Rhys Priestland (Scarlets), Hallam Amos (Dreigiau).