40 o swyddi newydd mewn sinema yng Nghasnewydd

Friars Walk Image copyright friars walk

Mae 40 o swyddi newydd yn cael eu creu wrth i sinema aml-sgrin newydd agor yng Nghasnewydd.

Fe fydd cwmni Cineworld yn agor eu hail sinema yn y ddinas, fel rhan o ddatblygiad Friars Walk.

Bydd wyth sgrin ar gael yn y sinema.

Fe fydd y safle yn cynnwys siopa, bariau a thai bwyta, ac mae disgwyl i'r datblygiad agor ym mis Tachwedd.

Cynhelir diwrnod agored ddydd Sadwrn nesaf gyda'r gobaith o recriwtio staff newydd ar gyfer y sinema.