Beiciwr o Fangor wedi marw yn Iwerddon

garda

Mae'r Garda yn Iwerddon wedi dweud mai dyn o Fangor gafodd ei ladd wedi i'w feic modur daro wal yn Sir Waterford ddydd Mercher.

Roedd Colin Unsted yn 54 oed.

Fe ddigwyddodd y gwrthdrawiad tua 17:15 ddydd Mercher ar ffordd yr R448 ger dinas Waterford.

Fe gafodd ei gludo mewn ambiwlans i Ysbyty Prifysgol Waterford lle bu farw.

Mae'n gadael gweddw a dau o blant.