Cyhoeddi rhestr fer Gwobr Gerddoriaeth Cymru

Geraint Jarman a Gwenno
Image caption Mae Geraint Jarman a Gwenno ymysg yr artistiaid Cymraeg eu hiaith ar y rhestr fer

Mae Geraint Jarman, Gwenno a Calan ymysg yr artistiaid sydd wedi eu henwi ar restr fer Gwobr Gerddoriaeth Cymru 2014-15.

Fe gafod y rhestr fer - sy'n cynnwys 15 albwm - ei chyhoeddi ddydd Sadwrn, ac mae'n cynnwys mwy o artistiaid Cymraeg eu hiaith nag erioed o'r blaen.

Bydd seremoni'r gystadleuaeth - gafodd ei chreu gan y DJ Huw Stephens a'r hyrwyddwr John Rostron - yn cael ei chynnal ar 26 Tachwedd yn Theatr Sherman Caerdydd.

Dywedodd Mr Stephens: "Mae hi wedi bod yn flwyddyn arall ragorol i gerddoriaeth Cymru, gyda rhestr amrywiol a chadarn o albymau yn cyrraedd y rhestr fer. Mae 'na eiriau rhagorol, recordiau yn y Gymraeg, gwerin, electronica a roc i goncro'r byd ar y rhestr.

"Rydw i'n credu y bydd sialens anodd yn wynebu'r beirniaid, gan fod yr albymau hyn i gyd yn haeddu lle ar y rhestr. Edrychwn ymlaen at ddathlu pob un ohonynt yng Nghaerdydd ym mis Tachwedd".

Y rhestr fer

  • Calan - Dinas (Sain)
  • Catfish and the Bottlemen - The Balcony
  • Geraint Jarman - Dwyn yr Hogyn Nol
  • Gwenno - Y Dydd Olaf
  • H Hawkline - In the Pink Condition
  • Hippies vs Ghosts - Droogs
  • Houdini Dax - Naughty Nation
  • Joanna Gruesome - Peanut Butter
  • Keys - Ring the Changes
  • Paper Aeroplanes - Joy
  • Richard James - All the New Highways
  • Tender Prey - Organ Calzone
  • Trwbador - Several Wolves
  • Zarelli - Soft Rains
  • Zefur Wolves - Zefur Wolves