Disgwyl llanw uchel yn Sir Gaerfyrddin

Llanw uchel Image copyright Wales News Service

Mae disgwyl i un o lanwau uchaf y ganrif daro gorllewin Cymru ddydd Sul.

Mae'r llanw, allai gyrraedd 26 troedfedd (7.9 metr), i gyrraedd o 17:00, gyda ffotograffwyr a gwylwyr adar yn heidio i'w weld.

Dywedodd Nigel Williams o Ymddiriedolaeth Adar Dŵr a Gwlyptir yn Llanelli y bydd y llanw yn dod a miloedd o adar yn nes at y lan.

"Mae hi wir yn olygfa syfrdanol gweld yr holl dirlun yn gorlifo gydag adar," meddai.