Southampton yn suddo'r Elyrch

Image copyright Jordan Mansfield
Image caption Sadio Mane yn sgorio er gwaethaf ymdrech fawr Ashley Williams

Southampton 3-1 Abertawe

Adroddiad Gareth Blainey o Stadiwm St Mary's

Mae cyfnod gwael Abertawe yn parhau ar ôl perfformiad siomedig yn Southampton

Fe aeth Southampton ar y blaen ar ôl 11 munud yn unig - ac roedd hi'n gol flêr o safbwynt Abertawe. 'Doedd y marcio ddim yn ddigon da ac fe roddwyd y cyfle i Virgil van Dijk benio i'r rhwyd.

Roedd Southampton yn haeddu'r fantais - yn y munudau agoriadol roedd Southampton wedi chwarae yn well na Abertawe, ac roedd asgellwyr Southampton yn achosi problemau cyson.

Mi gafodd y niwed mwyaf ei wneud yn chwarter awr cynta'r ail hanner.

Dusan Tadic yn sgorio ar ôl i'w groesiad daro Ki Sung-yueng, a saith munud yn ddiweddarach sgoriodd Sadio Mane un arall i Southampton.

Saith munud o'r diwedd sgoriodd Gylfi Sigurdsson unig gôl Abertawe o'r smotyn.

Un pwynt yn unig i Abertawe felly o'u tair gêm ddiwethaf, ac mae rhediad diflas diweddar Garry Monk yn parhau.

Roedd Gareth Blainey yn sylwebu'n fyw ar raglen Camp Lawn ar BBC Radio Cymru.