Siwa yn ennill Hanner Marathon Caerdydd

Ben Siwa
Image caption Ben Siwa groesodd y llinell yn gyntaf mewn 62 munud

Ben Siwa o Uganda oedd yn fuddugol yn ras Hanner Marathon Caerdydd, gan redeg ei amser gorau erioed.

Gorffennodd y ras mewn awr, dwy funud a saith eiliad.

Bydd union lwybr ras dydd Sul yn cael ei defnyddio pan gynhelir Pencampwriaethau Hanner Marathon y Byd yn y ddinas y flwyddyn nesaf.

Gorffennodd Gideon Kimosop o Kenya yn gryf i sicrhau'r ail safle gan guro Dan Tanui ac Assefa Bekele.

Lenah Jerotich, hefyd o Kenya, enillodd ras y menywod, gyda Richie Powell yn ennill y ras gadair olwyn.

Ryan McLeod oedd y Prydeiniwr cyflymaf, yn gorffen yn y pumed safle gan guro'r Cymro Dewi Griffiths.

Fe wnaeth tua 22,000 gymryd rhan yn y ras.

Bu nifer o ffyrdd y brifddinas ynghau bore Sul ar gyfer yr achlysur.