Llofruddiaeth Grangetown: Dynion yn y llys

Russell Peachey
Image caption Bu farw Russell Peachey yn yr ysbyty wedi'r ymosodiad honedig

Mae pedwar dyn wedi ymddangos yn Llys y Goron Caerdydd wedi eu cyhuddo o lofruddio dyn 35 oed.

Fe gafwyd hyd i Russell Peachey yn anymwybodol ar stryd yn ardal Grangetown y brifddinas ddechrau mis Awst eleni.

Bu farw yn yr ysbyty yn ddiweddarach.

Mae Dean Beasley, 37 o'r Barri, Shaminder Singh, 40 o Grangetown, Christopher Smith, 34 o Caerau, a James Williams, 31 a chanddo ddim cyfeiriad parhaol, oll wedi eu cyhuddo o lofruddiaeth ac wedi eu cadw yn y ddalfa.

Fe fyddan nhw'n ymddangos yn y llys unwaith eto ar 13 Tachwedd.