Dau yn yr ysbyty yn dilyn tân ym Merthyr Tudful

Tân

Mae dau ddyn wedi'u cludo i'r ysbyty wedi iddyn nhw anadlu mwg mewn tân ym Merthyr Tudful.

Fe gafodd y gwasanaeth tân eu galw i'r tŷ yn Ynysfach ychydig cyn 04:00 fore Llun.

Fe wnaeth y tân gynnau mewn sbwriel y tu allan i'r tŷ, cyn iddo ymestyn i'r gegin.

Dywedodd y gwasanaeth ambiwlans bod y ddau ddyn wedi'u cymryd i Ysbyty'r Tywysog Charles.