Undeb Rygbi Cymru'n gwrthod cais Faletau i symud clwb

Faletau Image copyright Huw Evans picture agency
Image caption Mae Taulupe Faletau wedi ennill 53 o gapiau rhyngwladol

Mae Undeb Rygbi Cymru wedi gwrthod cais gan y Dreigiau i ganiatáu Taulupe Faletau i symud clwb.

Roedd y rhanbarth wedi gwneud y cais i ryddhau'r rheng-ôl, gyda Chaerfaddon yn ffefrynnau i'w arwyddo.

O dan y cytundeb nawdd i rygbi yng Nghymru, mae'n rhaid i'r prif hyfforddwr, Warren Gatland, roi caniatâd i chwaraewyr cenedlaethol i symud allan o Gymru.

Fe wnaeth y Dreigiau gadarnhau mewn datganiad bod caniatâd wedi'i wrthod.