Cylchgrawn yn ymddiheuro am ddodi Caerdydd yn Lloegr

"O diar" meddai Leighton Andrews AC ar Twitter Image copyright Twitter @Leighton Andrews
Image caption 'O diar,' meddai Leighton Andrews AC ar Twitter

Mae cylchgrawn wythnosol llywodraeth leol wedi ymddiheuro am "wall wrth gynhyrchu" ar ôl gosod Caerdydd yn ne-orllewin Lloegr.

Ar ôl i'r Gweinidog Gwasanaethau Cyhoeddus Leighton Andrews dynnu sylw at y camgymeriad ar Twitter dywedodd y cylchgrawn MJ (Municipal Journal): "Ymddiheuriadau am y camgymeriad wrth gynhyrchu, llywodraeth leol nid daearyddiaeth yn amlwg yw ein cryfder!"

Yn gynharach yn y mis golygodd problem dechnegol gyda Google Maps fod Bannau Brycheiniog wedi eu lleoli yng nghanol Llundain ar fap y cwmni.

Mae'r MJ yn disgrifio ei hun fel "cylchgrawn wythnosol mwyaf blaenllaw'r DU ar gyfer prif weithredwyr cynghorau a'u timau o bobl sy'n gwneud penderfyniadau mewn awdurdodau lleol a sectorau cysylltiedig".

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.