Tân marwol: Carcharu menyw

Ynysybwl
Image caption Roedd y tân ym Mai 2014

Mae menyw wedi ei charcharu wedi i ddyn farw ar ôl tân mewn fflat yn y Cymoedd.

Yn Llys y Goron Caerdydd plediodd Rebecca Jenkins, 29 oed o Ynysybwl, Rhondda Cynon Taf, yn euog i ddynladdiad Mark Carpenter, 46 oed.

Bu farw Mr Carpenter yn Ysbyty Brenhinol Morgannwg, Llantrisant, ar ôl y tân ym Mai 2014.

Cafodd ddedfryd amhenodol er amddiffyniad y cyhoedd, o leia bedair blynedd ond bydd y ddedfryd 324 o ddiwrnodau'n llai oherwydd ei chyfnod yn y ddalfa.