Rhybudd o law trwm mewn mannau

Cwm Idwal, Ogwen Valley, Gwynedd Image copyright Thinkstock
Image caption Llun llyfrgell o Gwm Idwal yn dilyn cyfnod o law

Mae'r Swyddfa Dywydd wedi cyhoeddi rhybudd tywydd melyn '"byddwch yn barod" ar gyfer glaw trwm ar gyfer rhannau o ogledd a chanolbarth Cymru.

Yn ôl rhagolygon fe allai dros fodfedd (30mm) o law syrthio yng Ngwynedd, Powys a siroedd Conwy a Dinbych ddiwedd prynhawn Llun.

Yn dilyn glaw trwm dros y penwythnos mae'n debyg fod lefelau rhai o afonydd Gwynedd eisoes yn uchel.

Mae'r rhybudd tywydd ar gyfer 16:00 ddydd Llun.

Mae yna rybudd hefyd i yrwyr gymryd gofal oherwydd dŵr ar wyneb ffyrdd.