Dydd y Cadoediad: Cymru'n cofio

Digwyddiad coffa yng Nghaernarfon Image copyright Jay Booth/Twitter
Image caption Digwyddiad coffa yng Nghaernarfon

Roedd yna ddau funud o dawelwch ar hyd a lled Cymru am 11:00 ddydd Mercher i nodi Dydd y Cadoediad.

Yn y senedd ym Mae Caerdydd cafodd arddangosfa o straeon am filwyr a'u teuluoedd yn ystod y Rhyfel Byd Cyntaf ei dadorchuddio, gydag enwau 11,000 o ddynion o gatrawd y Ffiwsilwyr Brenhinol Cymreig fu farw yn y Rhyfel Mawr yn cael eu dangos ar furiau Castell Caernarfon nos Fercher.

Nid oes modd chwarae darnau sain a fideo ar eich dyfais
Yr hanesydd Hefin Mathias sy'n egluro arwyddocâd y pabi coch

Tu allan i'r Hen Llyfrgell ar Sgwâr y Frenhines yn Wrecsam, bydd seiren fomio o amser y rhyfel yn canu am 18:30.

Roedd 'na ddigwyddiadau a gwasanaethau wedi'u trefnu mewn trefi a phentrefi ar draws Cymru.

Yn Llundain, bu'r gantores Cerys Matthews yn darllen erthygl o bapur newydd y Times o fis Hydref 1915, yn cyfeirio at farwolaethau 41 o unig feibion ar faes y gad.

Image copyright Jamie Ashcroft/Twitter
Image caption Pabi ar gofeb y tu allan i'r Senedd ym Mae Caerdydd
Image caption Y cofio yn Wrecsam
Image caption Bu pobl yn cofio ger y Gadeirlan yn Llandaf, Caerdydd