Marwolaethau gwaith dur: Parhau i chwilio am gyrff

Peter O'Brien
Image caption Roedd Peter O'Brien yn dad i chwech o blant

Mae'r gwaith o chwilio am gyrff dau ddyn fu farw mewn ffrwydrad ar safle gwaith dur yng Nghaerdydd ddydd Mercher yn parhau.

Bu farw Peter O'Brien, 51 o Lanisien yng Nghaerdydd, a Mark Sim, 41 o Gil-y-Coed, Sir Fynwy ar safle dur Celsa yn Sblot.

Fe gafodd pump arall eu hanafu yn y digwyddiad.

Mae'r cwmni yn gweithio gydag awdurdodau iechyd a diogelwch er mwyn ceisio dod o hyd i union achos y ffrwydrad.

Image copyright Wales News Service

Fe welwyd cŵn yn cael eu cymryd i'r safle ddydd Iau tra bo timau chwilio arbenigol wedi bod yno hefyd.

Fe ddigwyddodd y ffrwydrad am tua 10:30 fore Mercher, a chafodd ddwsinau o gerbydau'r gwasanaethau brys eu gyrru i'r safle.

Bu diffoddwyr tân yn brwydro fflamau ar lawr gwaelod yr adeilad, ble cafodd y pum dyn eu hanafu.

Cafodd un ei drin ar y safle ac fe gafodd y pedwar arall eu cludo i'r ysbyty, ond dim ond un sy'n parhau yno erbyn hyn.

Straeon perthnasol