Tân yng Ngharchar Abertawe

tan carchar

Fe gafodd y gwasanaethau brys eu galw i Garchar Abertawe yn dilyn adroddiadau o dân.

Fe gafodd y gwasanaethau tân ac ambiwlans eu galw i'r carchar tua 17:55 ddydd Gwener.

Dywedodd Gwasanaeth Tân ac Achub Canolbarth a Gorllewin Cymru eu bod wedi anfon nifer o griwiau a bod un yn parhau i fod ar y safle. Roedd ambiwlans yno hefyd.

Yn ôl Gwasanaeth ambiwlans Cymru, fe aethpwyd a chleifion i Ysbyty Treforys mewn dau ambiwlans.

Dywedodd llefarydd ar ran y Gwasanaeth Carchardai bod staff wedi "ymateb yn gyflym er mwyn diffodd y tanau, ac nid oedd unrhyw aelod o'r staff wedi eu hanafu."