Abertawe 2-2 Bournemouth

Shelvey Image copyright PA
Image caption Jonjo Shelvey yn achub Abertawe

Mae Abertawe wedi achub pwynt hollbwysig ar ôl brwydro 'nôl yn erbyn Bournemouth yn stadiwm Liberty.

Sgoriodd yr ymwelwyr ar ôl 10 munud- camgymeriad amddiffynnol yn arwain at gôl gan Josh King.

Fe ddaeth ail gôl Bournemouth chwarter awr yn ddiweddarach - Dan Gosling ag ergyd o 10 metr.

O fewn eiliadau roedd Abertawe wedi taro nôl - Andre Ayew yn twyllo'r golwr gydag ergyd o'i sawdl.

Image copyright PA
Image caption Ayew yn synnu amddiffyn Bournemouth

Yna fe ddaeth cic o'r smotyn i Abertawe - Jonjo Shelvey yn sgorio ar ôl i Ayew ddisgyn yn y cwrt cosbi.

Cyn y gic gyntaf fe gododd y dorf i'w traed i ganu La Marseillaise mewn arwydd o gefnogaeth i bobl Ffrainc yn dilyn erchyllterau ymosodiadau Paris.

Image copyright Getty Images
Image caption Liberty, Egalité, Fraternité. Y dorf yn codi i ganu anthem genedlaethol Ffrainc