Un wedi marw yn dilyn gwrthdrawiad yn Sir Gaerfyrddin

A40 ger Sancler
Image caption Digwyddodd y gwrthdrawiad ar yr A40 ger cylchfan Sanclêr

Mae person 51 oed wedi marw yn dilyn gwrthdrawiad yn Sir Gaerfyrddin nos Sadwrn.

Digwyddodd y gwrthdrawiad rhwng dau gerbyd ar yr A40 ger Sanclêr am tua 19:55 ar 12 Rhagfyr.

Roedd Renault Clio du mewn gwrthdrawiad gyda Toyota gwyn yn agos at gylchfan Sanclêr.

Cafodd gyrrwr y Renault ei gludo i Ysbyty Glangwili ond bu farw'n ddiweddarach.

Mae Heddlu Dyfed Powys yn apelio am wybodaeth, ac maen nhw'n awyddus i glywed gan unrhyw un welodd y gwrthdriawiad.