Gwraig 82 yn ddieuog o droseddau rhyw

Llys y Goron Caerdydd Image copyright Lewis Clarke

Mae gwraig 82 oed o Gaerdydd yn ddieuog o gyhuddiadau iddi gyflawni troseddau rhyw ar ferch ifanc.

Roedd Elizabeth Mulcahy o Landaf yn wynebu chwe chyhuddiad o ymosod yn anweddus ar ferch o dan 13 oed.

Clywodd y llys honiadau o gyfnod rhwng diwedd y 1970au a'r 1980au cynnar ond roedd y cyhuddiadau, meddai Ms Mulcahy, yn "gelwydd pur".

Wedi achos barodd wythnos yn Llys y Goron Caerdydd roedd Ms Mulcahy yn ddieuog o bob cyhuddiad.