Gyrwyr trenau i fynd ar streic ar 4 Ionawr

Arriva Trains Wales train in Cardiff Image copyright Getty Images

Dywed undeb Aslef y bydd gyrwyr trenau Arriva yn cynnal streic 24 awr ar ddydd Llun 4 Ionawr oherwydd anghydfod ynglŷn â thaliadau ac amodau gwaith.

Yn ôl yr undeb fe fydd yn rhaid i gwmni Trenau Arriva Cymru ganslo pob gwasanaeth.

Mae aelodau'r undeb wedi bod yn gwrthod gweithio oriau ychwanegol am y tridiau diwethaf.

Dywed Aslef eu bod wedi derbyn amodau cytundeb cyflog, ond fod anghydfod yn parhau ynglŷn â newidiadau i amodau gwaith.

Dywed Arriva eu bod wedi eu siomi gyda'r penderfyniad i amharu ar y gwasanaeth.

Yn ôl llefarydd fe allai'r streic hefyd effeithio ar rai gwasanaethau yn ystod bore 5 Ionawr.

Dywedodd y dylai cwsmeriaid wneud trefniadau gwahanol ar gyfer dydd Llun, ac i gadw golwg ar y sefyllfa ddydd Mawrth.

Ym mis Tachwedd penderfynodd Aslef roi'r gorau i streic oedd wedi ei threfnu.

Straeon perthnasol