Morgan yn ymuno â'r Gleision

Matthew Morgan Image copyright Huw Evans picture agency
Image caption Matthew Morgan made two appearances for Wales at the 2015 World Cup

Fe fydd yr olwr rhyngwladol Matthew Morgan yn ymuno â'r Gleision ar ddiwedd y tymor.

Ym mis Rhagfyr fe wnaeth y chwaraewr 23 oed gyhoeddi ei fwriad i adael Bryste pan mae ei gytundeb presennol yn dod i ben ym mis Mai.

Dywedodd Morgan ei fod am ddychwelyd i Gymru er mwyn ychwanegu at ei pum cap rhyngwladol.

Fe wnaeth o ddechrau i Gymru yn erbyn Fiji yng Nghwpan y Byd.

"Rwy'n falch fy mod yn ymuno â'r Gleision," meddai Morgan.

"Rwyf angen datblygu fy sgiliau a pharau i bwyso am le yn nhîm Cymru, mae hynny'n uchelgais rwy'n anelu a gweithio ato bob dydd."

Fe wnaeth Morgan adael y Gweilch i ymuno â Bryste ym Mai 2014.