Racing Metro 64-14 Scarlets

scarlets Image copyright Huw Evans picture agency

Mae Racing 92 wedi sicrhau eu lle yn rownd yr wyth olaf yng Nghwpan Pencampwyr Ewrop wrth iddynt drechu'r Scarlets gartref ym Mharis ddydd Sul.

Fe brofodd y Ffrancwyr yn ormod i arweinwyr y Pro12 wrth i bump o'u ceisiau ddod cyn yr egwyl.

Fe lwyddodd Dan Carter i sicrhau 13 o bwyntiau heb fawr o ymdrech, gyda seren y gêm, Casey Laulala yn sgorio tri chais.

Dyma'r nifer fwyaf o bwyntiau i'r Scarlets eu hildio mewn gêm, cyn hyn, colli o 41-0 yn erbyn Clermont Auvergne yn 2008 oedd eu record waethaf.

Ni wnaed pethau'n haws i'r tîm o'r gorllewin yn sgil anaf ar y funud olaf i'r chwaraewr ail reng o Dde Affrica, George Earle a ddioddefodd anaf i'w goes, ac felly yn methu chwarae.