Dod o hyd i gorff babi yng Nghasnewydd

Imperial Park. Newport Image copyright Google

Mae corff babi wedi ei ddarganfod ar dir ger ystâd ddiwydiannol yng Nghasnewydd.

Dywed Heddlu Gwent eu bod nhw'n trin y farwolaeth fel un anesboniadwy.

Fe gafodd y corff ei ddarganfod bnawn Gwener am 14:00 yn agos at Barc Imperial yn ardal Coedcernyw.

Bydd archwiliad post mortem yn cael ei gynnal ddydd Llun ac mae swyddogion yn apelio am unrhyw un sydd â gwybodaeth i gysylltu â nhw.