Chwe Gwlad: Cyhoeddi tîm Cymru i herio Iwerddon

Rob Evans Image copyright Huw Evans picture agency
Image caption Bydd Rob Evans yn ennill ei bedwerydd cap yn erbyn Iwerddon

Bydd prop y Scarlets, Rob Evans, yn dechrau i Gymru yn erbyn Iwerddon yn eu gêm agoriadol ym Mhencampwriaeth y Chwe Gwlad yn Nulyn ddydd Sul.

Mae'n golygu bod y chwaraewr sydd wedi ennill y nifer fwyaf o gapiau yn hanes rygbi Cymru, Gethin Jenkins, yn dechrau ar y fainc.

Bydd y capten Sam Warburton yn dechrau fel blaenasgellwr ochr dywyll, gyda Justin Tipuric yn chwarae fel rhif 7 a Dan Lydiate ar y fainc.

Gareth Anscombe fydd yn dechrau fel cefnwr, gyda Tom James wedi'i ddewis o flaen Alex Cuthbert ar yr asgell.

Profiad ar y fainc

Does dim lle yn y garfan i gefnwr y Scarlets, Liam Williams, wnaeth wneud ei ymddangosiad cyntaf ar ôl dod 'nôl o anaf dros y penwythnos.

Mae Warburton yn dechrau er mai dim ond awr o rygbi y mae wedi chwarae ers mis Tachwedd, tra bo James yn gwneud ei ymddangosiad rhyngwladol cyntaf ers 2010.

Gyda phrofiad Jenkins, Lydiate a Cuthbert ar y fainc, mae'r wyth eilydd wedi ennill cyfanswm o 364 o gapiau.

Nid oes modd chwarae darnau sain a fideo ar eich dyfais
Cennydd Davies sydd wedi bod yn dadansoddi dewisiadau Warren Gatland

Tîm Cymru: Gareth Anscombe (Gleision); George North (Northampton), Jamie Roberts (Harlequins), Jonathan Davies (Clermont), Tom James (Gleision); Dan Biggar (Gweilch), Gareth Davies (Scarlets); Rob Evans (Scarlets), Scott Baldwin (Gweilch), Samson Lee (Scarlets), Luke Charteris (Racing 92), Alun Wyn Jones (Gweilch), Sam Warburton (capten) (Gleision), Justin Tipuric (Gweilch), Taulupe Faletau (Dreigiau).

Eilyddion: Ken Owens (Scarlets), Gethin Jenkins (Gleision), Tomas Francis (Caerwysg), Bradley Davies (Wasps), Dan Lydiate (Gweilch), Alex Cuthbert (Gleision), Rhys Priestland (Caerfaddon), Lloyd Williams (Gleision).

Image caption Mae Justin Tipuric, Tom James a Gareth Anscombe yn cael cyfle i greu argraff

Tîm Iwerddon: Simon Zebo; Andrew Trimble, Jared Payne, Robbie Henshaw, Keith Earls; Jonathan Sexton, Conor Murray; Jack McGrath, Rory Best (capten), Nathan White, Mike McCarthy, Devin Toner, CJ Stander, Tommy O'Donnell, Jamie Heaslip.

Eilyddion: Sean Cronin, James Cronin, Tadhg Furlong, Donnacha Ryan, Rhys Ruddock, Kieran Marmion, Ian Madigan, Dave Kearney.

Gemau Cymru yn Y Chwe Gwlad

Iwerddon v CYMRU - Dydd Sul, 7 Chwefror (Stadiwm Aviva, 15:00)

CYMRU v Yr Alban - Dydd Sadwrn, 13 Chwefror (Stadiwm Principality, 16:50)

CYMRU v Ffrainc - Dydd Gwener, 26 Chwefror (Stadiwm Principality, 20:05)

Lloegr v CYMRU - Dydd Sadwrn, 12 Mawrth (Twickenham, 16:00)

CYMRU v Yr Eidal - Dydd Sadwrn, 19 Mawrth (Stadiwm Principality, 14:30)

Bydd llif byw arbennig o Iwerddon v Cymru ar Cymru Fyw o 14:30 ddydd Sul, ac am fwy o gyffro'r Chwe Gwlad ewch i'n is-hafan arbennig.

Straeon perthnasol