Tân Port Talbot wedi ei ddiffodd

tan tata Image copyright Twitter

Mae'r Gwasanaeth Tân wedi llwyddo i ddiffodd tân yng ngwaith dur Port Talbot.

Daeth yr adroddiadau cyntaf am y digwyddiad am 08:02 fore Iau.

Cafodd chwech o griwiau eu hanfon o Bort Talbot, Castell-nedd a Threforys.

Mae ymchwiliad wedi dechrau i achos y tân.

Ni chafodd unrhyw un ei anafu.

Dywedodd llefarydd ar ran Tata y bydd y gwaith wedi ailddechrau yn ôl ei arfer.

"Mae ymchwiliadau cynnar yn awgrymu mai mellten oedd yn gyfrifol."