Munster 17- 21 Gweilch

Rhys Webb Image copyright ©INPHO/James Crombie
Image caption Mi gafodd Rhys Webb ddylanwad ar y gêm

Munster 17-21 Gweilch

Mewn gêm agos mi frwydrodd Y Gweilch yn ôl i gipio buddugoliaeth yn erbyn Munster yn Iwerddon.

Roedd cais Robin Copeland wedi golygu bod Munster ar y blaen o 17-10 wedi'r ail hanner.

Ond pan ddaeth Rhys Webb sydd ddim wedi bod yn chwarae am bum mis ar y cae mi greodd gyfle i Owen Watkins i gael cais.

Dyw Webb ddim wedi chwarae ers iddo gael anaf ym mis Medi wnaeth olygu na chafodd o gêm yng nghwpan y Byd.

Y Gweilch oedd y tîm cryfaf yn yr hanner awr olaf ac mae'r fuddugoliaeth yn golygu ei bod nhw o fewn tri phwynt i'r chweched safle yn y tabl.