Abertawe 1-0 Norwich

abertawe Image copyright Getty Images

Mae CPD Dinas Abertawe wedi codi i fod naw pwynt yn glir o'r safleoedd gwaelod yn Uwch Gynghrair Lloeg, wrth i Norwich lithro yn ddyfnach.

Roedd gorffeniad taclus gan Gylfi Sigurdsson i gornel isaf rhwyd Norwich yn gynnar yn yr ail hanner yn ddigon i sicrhau'r fuddugoliaeth i'r Elyrch.

Fe ddaeth Nathan Redmond yn agos at unioni'r sgôr yn hwyr yn yr ail hanner, ond fe lwyddodd Abertawe i ddal eu gafael.

Dyma ail fuddugoliaeth Abertawe o'r bron, wedi iddynt drechu Arsenal yn ystod yr wythnos.

Tra bod yr Elyrch yn dringo'r gynghrair, mae'r Canaries yn parhau yn y safleoedd cwymp, a hynny heb fuddugoliaeth mewn 10 gêm ym mhob cystadleuaeth.