Beibl Mari Jones yn dychwelyd i'r Bala

beibl
Image caption Dr Onesimus Ngundu, Mary Thomas a'r Parchedig Carwyn Siddall efo'r Beibl

Mae Beibl gwreiddiol Mari Jones yn dod yn ôl i'r Bala ddydd Gwener, a hynny am dri diwrnod yn unig.

Fe fydd cyfle i unrhyw un ddod i weld y Beibl, a adawodd Y Bala yn llaw Mary Jones dros 215 o flynyddoedd yn ôl.

Fel arfer, caiff y Beibl ei gadw yn Archif Cymdeithas y Beibl yng Nghaergrawnt, a'r un sy'n gofalu amdano yw Dr Onesimus Ngundu, brodor o Zimbabwe, a Dr Ngundu fydd yn dod a'r Beibl i'r Bala.

Mae pobl yn dod o bob rhan o'r byd i Gaergrawnt i weld Beiblau yn eu hiaith eu hunain, ac mae'r Dr Ngundu yn tynnu sylw pawb sy'n dod yno at Feibl Mari Jones ac at hanes y Beibl unigryw yma.

Yn 1800, pan yn 15 oed, cerddodd Mari Jones yn droednoeth o Lanfihangel y Pennant i'r Bala i brynu Beibl gan Y Parchedig Thomas Charles gyda'i henillion prin.

Nid oes modd chwarae darnau sain a fideo ar eich dyfais
Mary Thomas Ysgrifennydd cangen Penllyn o Gymdeithas y Beibl.