Gleision 56-8 Treviso

Ellis Jenkins try Image copyright Huw Evans picture agency
Image caption Ellis Jenkins

Fe wnaeth y Gleision gadw eu gobeithion yn fyw o orffen yn hanner uchaf y Pro12 gyda buddugoliaeth ysgubol yn erbyn Treviso.

Croesodd y tîm cartref y llinell gais wyth gwaith yn y fuddugoliaeth o 56-8.

Daeth y ddau gais cyntaf cyn yr egwyl, diolch I Ellis Jenkins a Josh Navidi.

Erbyn 53 munud roedd y Gleision wedi sicrhau pwynt bonws gyda Lee-Lo a Kristian Dacey yn croesi.

Yna aeth y Gleision yn rhemp a chais yr un i Manoa Vosawai, Tom James, Dan Fish a Rhys Patchell.

Daeth gweddill y pwyntiau o droed Gareth Anscome (12) a Jarrod Evans (4).

Golygai'r canlyniad fod y Gleision yn codi'n uwch na'r Gweilch am y tro.

Mae'r Gweilch yn wynebu'r Scarlets yn Stadiwm y Liberty yn ddiweddarach dydd Sadwrn.