Dau wedi marw wedi gwrthdrawiad ger Llandwrog, Gwynedd

A499 Image copyright Google
Image caption Digwyddod y gwrthdrawiad ar yr A499 ger Llandwrog

Mae'r heddlu yn apelio am wybodaeth yn dilyn marwolaeth dyn a dynes mewn gwrthdrawiad yng Ngwynedd nos Wener.

Cafodd y gwasanaethau brys eu galw i'r gwrthdrawiad rhwng Nissan Micra glas a Vauxhall Vectra arian ar yr A499 ger Llandwrog am tua 20:25.

Bu farw'r dyn a dynes oedd yn teithio yn y Nissan ar safle'r digwyddiad.

Cafodd dyn oedd yn gyrru'r Vauxhall ei gludo i Ysbyty Gwynedd gydag anafiadau difrifol, ac fe gafodd dyn arall oedd yn teithio yn y car fan anafiadau.

Roedd yr A499 ar gau am gyfnod wrth i'r ymchwiliad barhau.

Mae Heddlu Gogledd Cymru am i unrhyw un welodd y digwyddiad neu sydd â gwybodaeth i gysylltu gyda nhw ar 101.