Burnley 0-0 Caerdydd

burnley Image copyright Rex Features

Mae gobeithion Burnley am deitl y bencampwriaeth eleni wedi dioddef ergyd, yn dilyn gêm gyfartal ddi-sgôr yn erbyn Caerdydd.

Fe arbedodd golwr Caerdydd, David Marshall ergydion gan Andre Gray a George Boyd ar noson rwystredig i'r arweinwyr y gynghrair.

Llwyddodd golwr yr Alban hefyd i arbed cynigion hwyr gan Sam Vokes ac Ashley Barnes.

Yn dilyn y perfformiad amddiffynnol, roedd tîm Russell Slade yn haeddu gêm gyfartal, er eu bod yn awr bedwar pwynt tu ôl i'r llefydd ail gyfle yn y bencampwriaeth.