Cyrff wedi cael eu darganfod ger Machynlleth ym Mhowys

Heddlu

Mae dau gorff wedi cael eu darganfod mewn eiddo ym Mhowys.

Fe gafodd swyddogion o Heddlu Dyfed-Powys eu galw i'r eiddo ger Machynlleth yn dilyn adroddiadau fod dynes 51 oed wedi marw'n sydyn.

Yn ystod archwiliad o'r ardaloedd cyfagos, daeth y swyddogion o hyd i gorff dyn.

Dywedodd yr heddlu eu bod yn ymchwilio i amgylchiadau'r ddwy farwolaeth.

Mae'r crwner wedi cael ei hysbysu.