Marwolaethau Machynlleth: Cyhoeddi enwau dyn a dynes

Tracy Cockrell Image copyright Heddlu Dyfed Powys
Image caption Mae Heddlu Dyfed Powys yn trin marwolaeth Tracy Cockrell fel achos o lofruddiaeth.

Mae'r heddlu wedi cyhoeddi enwau dau o bobl gafodd eu darganfod yn farw ym Machynlleth dros y penwythnos.

Dywedodd Heddlu Dyfed-Powys eu bod yn trin marwolaeth Tracy Cockrell, 51, fel achos o lofruddiaeth, ond nad oedd marwolaeth Nigel McGrath, 45, yn cael ei drin fel un amheus.

Image caption Cafodd y ddau eu darganfod yn farw ym Machynlleth

Dywedodd yr heddlu bod y ddau yn wreiddiol o ogledd Lloegr.

Nid yw'r heddlu yn edrych am unrhyw un arall mewn cysylltiad â'r digwyddiad.

Mae archwiliadau post mortem wedi eu cwblhau.