Pro12: Scarlets 10-46 Glasgow

Liam Williams Image copyright Huw Evans picture agency

Fe gymrodd Glasgow gam mawr tuag at sicrhau gêm gartref yn rownd gynderfynol y Pro12 gyda buddugoliaeth pwynt bonws dros y Scarlets ddydd Sadwrn.

Sgoriodd Finn Russell a Lee Jones ddwy gais yr un yn erbyn tîm oedd wedi'i wanhau gan salwch yn y dyddiau diwethaf.

Fe wnaeth Henry Pyrgos a Tommy Seymour groesi hefyd i'r ymwelwyr.

Yr unig gysur i'r Scarlets oedd gweld Liam Williams yn sgorio cais wrth iddo ddychwelyd o anaf.