Arestio dyn ar amheuaeth o lofruddiaeth yn Ystrad Mynach

Heddlu a Heol Nelson, Ystrad Mynach Image copyright Heddlu Gwent/Google
Image caption Ymatebodd Heddlu Gwent i alwad am gymorth gan Wasanaeth Ambiwlans De Cymru

Mae dyn wedi cael ei arestio ar amheuaeth o lofruddiaeth ar ôl i gorff menyw gael ei ddarganfod yn Sir Caerffili.

Ymatebodd Heddlu Gwent i alwad am gymorth gan Wasanaeth Ambiwlans De Cymru i Heol Nelson, Ystrad Mynach, am 17:45 ddydd Mawrth.

Daeth y swyddogion o hyd i gorff menyw ac mae ei marwolaeth yn cael ei thrin fel un amheus.

Cafodd dyn 47 oed ei arestio yn y fan a'r lle ac y mae yn y ddalfa.