Bachgen 11 oed mewn gwrthdrawiad beic dŵr yng Ngwynedd

ambiwlans

Mae bachgen wedi ei gludo i'r ysbyty yn dilyn gwrthdrawiad rhwng dau feic dŵr ar draeth yng Ngwynedd.

Fe ddigwyddodd y gwrthdrawiad ar draeth Morfa Bychan ger Porthmadog brynhawn dydd Sul.

Fe gafodd y bachgen 11 oed, ei gludo i Ysbyty Gwynedd, Bangor, mewn ambiwlans.

Y gred yw bod y bachgen ar ei wyliau yn yr ardal.

Nid oes mwy o wybodaeth am gyflwr y bachgen ar hyn o bryd.