Morgannwg mewn sefyllfa gref yn erbyn Essex

Ravi Bopara Image copyright Huw Evans picture agency

Will Bragg oedd arwr Morgannwg ar drydydd diwrnod eu gêm ym Mhencampwriaeth y Siroedd yn erbyn Essex yng Nghaerdydd.

Fe sgoriodd Bragg 119 heb fod allan wrth i Forgannwg gyrraedd 295 am 3 wiced ar ddiwedd y chwarae.

Fe gafodd gefnogaeth dda gan Mark Wallace (40), Chris Cooke (59) ac Aneurin Donald (44 h.f.a.).

Gyda batiad cyntaf Essex yn cau ar 313, roedd angen dechrau da ar y tîm cartref.

Er iddyn nhw golli Jacques Rudolph heb sgorio yn y drydedd pelawd, roedd y rhediadau'n llifo wedi hynny.

Mae'r cyfan yn golygu fod gan Morgannwg fantais o 242 gyda saith wiced yn weddill.

Pencampwriaeth y Siroedd - diwedd y trydydd diwrnod:

Morgannwg: (batiad cyntaf) - 260

(ail fatiad) - 295 am 3

Essex: (batiad cyntaf) - 313