Marwolaeth landlord: 'Grym sylweddol'

Alec Warburton
Image caption Cafwyd hyd i gorff Mr Warburton mewn llecyn unig ger Dolwyddelan

Mae arbenigwr meddygol wedi disgrifio sut y bu farw Alec Warburton, landlord o Abertawe, ar ôl cael ei daro ag arf fel morthwyl.

Cafodd ei ladd ar ôl cael ergyd â "grym sylweddol i'w ben."

Wrth roi tystiolaeth yn Llys y Goron Abertawe, dywedodd y patholegydd fforensig Dr Brian Rogers ei fod o'r farn bod Mr Warburton wedi marw yn syth ar ôl yr ymosodiad arno.

Yn ôl Dr Rogers: "Cafodd grym sylweddol ei ddefnyddio i ddyrnu twll yn ei benglog.

"Roedd y twll mawr yn ei ben yn anghymarus a bywyd."

'Doedd yna ddim tystiolaeth o anafiadau amddiffynnol meddai, a oedd yn awgrymu y cafodd yr ergyd ei daro o'r cefn, ond doedd dim sicrwydd o hyn.

Mae David Ellis yn gwadu llofruddio Mr Warburton ond mae wedi pledio yn euog i gyhuddiad o ddynladdiad.

Cafwyd hyd i gorff Mr Warburton mewn hen chwarel gel Dolwyddelan ym mis Medi 2015.

Mae'r achos yn parhau.