Dau yn sownd mewn car wedi gwrthdrawiad ar Ynys Môn

damwain Image copyright Richard Evans

Roedd dau berson yn sownd mewn car yn dilyn gwrthdrawiad ar yr A5 ar Ynys Môn prynhawn Gwener.

Cafodd y gwasanaethau brys eu galw i'r digwyddiad ym Mryngwran am 17:49.

Dim ond un car oedd yn rhan o'r digwyddiad a bu'n rhaid defnyddio'r offer arbennig i ryddhau'r ddau berson o'r cerbyd.

Bu'r ffordd ar gau am gyfnod tra bo'r gwasanaethau brys yn delio â'r digwyddiad.