Darganfod corff ar draeth Y Bermo yng Ngwynedd

Waseem Al-Muflehi (left) and Yahya Mohammed (right) Image copyright Amanah FC / Twitter/ Facebook
Image caption Aeth Waseem Al-Muflehi (chwith) ar goll yn y môr gyda Yahya Mohammed (dde)

Mae'r heddlu wedi cadarnhau bod corff wedi ei ddarganfod ar draeth ger Y Bermo ddydd Gwener.

Daw hyn wedi i ddau fachgen yn eu harddegau, Waseem Al-Muflehi, 15, a Yahya Mohammed, 14, fynd ar goll ar ôl mynd i drafferthion ar draeth Y Bermo ddydd Sadwrn.

Daeth y gwaith o chwilio am y ddau lanc o Birmingham i ben yn gynharach yr wythnos hon.

Dywedodd Heddlu Gogledd Cymru bod y corff wedi ei ddarganfod i'r gogledd o'r dref.

Nid yw'r corff wedi ei adnabod yn ffurfiol hyd yma, a dywedodd yr heddlu nad oes mwy o wybodaeth ar gael ar hyn o bryd.