Eifion Gwynne
Nid oes modd chwarae darnau sain a fideo ar eich dyfais

Teyrnged i chwaraewr rygbi, Eifion Gwynne, oedd yn 'Gymro i'r carn'

24 Hydref 2016 Diweddarwyd 15:55 BST

Mae Llywydd Clwb Rygbi Llanymddyfri wedi disgrifio cyn chwaraewr i'r clwb fu farw dros y penwythnos fel "Cymro i'r carn".

Bu farw Eifion Gwynne, 41 o ardal Aberystwyth, yn Sbaen ddydd Sadwrn.

Roedd y trydanwr, oedd yn briod â thri o blant, yn adnabyddus yn yr ardal.

Roedd Mr Gwynne yn chwarae rygbi i Aberystwyth ac yn arfer chwarae i Lanymddyfri.

Dywedodd Handel Davies ei fod wastad yn rhoi 100% ac yn "un o'r bois fydde unrhyw un mo'yn e ar ei dîm e".

Ychwanegodd ei fod yn "debyg i Ray Gravell, odd e yn goleuo'r stafell lan".

"Odd ei gymeriad e mor unigryw. Un o'r bois os byddech chi yn cwrdd â fe fyddech chi byth yn anghofio fe."