Dod o hyd i gar dyn sydd ar goll ger Afon Ogwr

Russell Sherwood Image copyright Arall
Image caption Fe aeth Russell Sherwood ar goll ddydd Sul

Mae swyddogion sy'n chwilio Afon Ogwr ger Pen-y-bont am ddyn sydd ar goll yn dweud eu bod yn credu eu bod wedi dod o hyd i'w gerbyd.

Fe aeth Russell Sherwood, 69 oed o Gil-ffriw, Castell-nedd, ar goll yn ardal Stormy Down ddydd Sul.

Mae'r heddlu'n dweud eu bod wedi rhoi'r gorau i chwilio dros nos oherwydd lleoliad y cerbyd, y diffyg golau a'r tywydd garw.

Mae teulu Mr Sherwood wedi cael gwybod am y datblygiadau, ac yn cael cefnogaeth gan swyddogion arbenigol.