Norofirws yn cau pum ward yn Ysbyty Maelor Wrecam

ysbyty Maelor

Mae Ysbyty Maelor Wrecsam wedi cau pum ward i'r cyhoedd gan fod nifer o gleifion yn dioddef o'r norofirws sydd yn achosi salwch.

Yn ôl llefarydd ar ran y bwrdd iechyd mae 21 o gleifion yn dioddef symptomau'r firws.

Yn ogystal â'r wardiau sydd wedi cau i'r cyhoedd mae cyfyngiadau mewn grym mewn dwy ward arall.

Mae'r ysbyty yn annog pobl sydd â symptomau'r firws i gadw draw o'r ysbyty.