Record Byd i'r Seintiau Newydd

Mae'r Seintiau Newydd wedi dod yn gyfartal â record byd wedi eu buddugoliaeth dros Dderwyddon Cefn.

Mae'r clwb o Groesoswallt nawr wedi ennill 26 gêm yn olynol ymhob cystadleuaeth y tymor hwn, ac mae hynny'n gyfartal â record clwb Ajax o'r Iseldiroedd a osodwyd 44 mlynedd yn ôl.

Roedd y dasg i'r Seintiau yn gymharol hawdd ddydd Llun, ac fe enillon nhw o 4-0. Byddai buddugoliaeth arall yn erbyn yr un gwrthwynebwyr ar nos Wener, 30 Rhagfyr, yn gosod record newydd i guro un Ajax.

Canlyniadau dydd Llun

Airbus UK Brychdyn 0 - 3 Gap Cei Connah

Aberystwyth 1 - 0 Y Drenewydd

Y Bala 6 - 1 Y Rhyl

Bangor 2 - 1 Llandudno

Caerfyrddin 0 - 0 Prifysgol Fetropolitan Caerdydd

Y Seintiau Newydd 4 - 0 Derwyddon Cefn