Mantell Aur Yr Wyddgrug ar gyfres o stampiau newydd

Stamp Mantell Aur Yr Wyddgrug Image copyright Y Post Brenhinol

Bydd un o drysorau enwocaf Cymru yn ymddangos ar gyfres newydd o stampiau.

Mae Mantell Aur Yr Wyddgrug yn un o'r creiriau neu leoliadau fydd i'w gweld ar gasgliad o stampiau sy'n nodi'r cyfnod cynhanesyddol yn Ynysoedd Prydain.

Eitem o'r Oes Efydd yw'r Fantell Aur - sydd hefyd yn cael ei hadnabod fel Clogyn Aur - ac fe gafodd ei darganfod ar Fryn-yr-Ellyllon yn Yr Wyddgrug yn 1833.

Mae hi wedi ei chadw fel rheol yn Yr Amgueddfa Brydeinig yn Llundain, ond daeth yn ôl i Gymru am gyfnod yn 2005 ac eto yn 2013.

Cafodd y stampiau newydd eu dylunio gan Rebecca Strickson o Lundain.

Image copyright Yr Amgueddfa Brydeinig
Image caption Cafodd y Fantell Aur ei chreu tua 3,500 mlynedd yn ôl