Fernandez yn arwyddo cytundeb newydd gydag Abertawe

federico fernandez Image copyright Athena Pictures

Mae amddiffynnwr Abertawe, Federico Fernandez wedi arwyddo cytundeb newydd gyda'r clwb nes 2020.

Daw hynny wedi i'r clwb wrthod cynnig am yr Archentwr ym mis Ionawr, a hynny gydag ond 18 mis yn weddill ar ei gytundeb.

"Rydw i'n hapus gyda fy mhêl-droed a chyda fy mywyd personol," meddai Fernandez, sydd wedi chwarae 80 o gemau dros yr Elyrch ers arwyddo o Napoli yn 2014.

"Mae'r cytundeb newydd yn hwb mawr i mi achos mae'n dangos bod gen i ffydd yn y clwb. Rydw i nawr yn edrych 'mlaen at y dyfodol."