Dim cyhuddiad wedi marwolaeth bachgen mewn tân

  • 24 Chwefror 2017
Jac Davies
Image caption Bu farw Jac Davies yn y digwydd ym mis Gorffennaf y llynedd

Ni fydd mam bachgen pedair oed fu farw mewn tân yn Alltwen ger Pontardawe y llynedd yn wynebu unrhyw gyhuddiadau.

Bu farw Jac Evan Davies yn dilyn tân yn ei gartref yn oriau man 27 Gorffennaf.

Fe wnaeth ei fam, Jenny Davies, 28, ddianc o'r tân gyda dau o'i phlant, ac fe gafodd un arall ei achub gan y gwasanaethau brys.

Fe wnaeth Heddlu De Cymru arestio dynes 28 oed ar amheuaeth o esgeulustod, ond dywedodd y llu na fydd hi'n wynebu unrhyw gamau pellach.

Dywedodd llefarydd: "Mae dynes 28 oed wedi ei rhyddhau heb gyhuddiad yn dilyn cyngor gan Wasanaeth Erlyn y Goron."

Nid yw'r cwest i farwolaeth y bachgen ifanc wedi ei gynnal eto.