Canolfan ymwelwyr Brymbo gam yn nes

  • 25 Chwefror 2017
Brymbo Image copyright Commission Air Ltd
Image caption Cafodd gwaith dur Brymbo ei gau yn 1990

Mae'r cynlluniau i drawsnewid cyn-waith dur Brymbo yn Wrecsam i ganolfan ymwelwyr gam yn nes.

Mae Ymddiriedolaeth Treftadaeth Brymbo wedi derbyn £50,000 er mwyn ariannu cynlluniau pensaernïol i drawsnewid adeilad y Siop Beiriannau o'r 1920au.

Gobaith yr Ymddiriedolaeth yw bydd y cynlluniau yn denu £1.15m o Gronfa'r Loteri Fawr.

Y bwriad yw ail-ddefnyddio naw adeilad gan agor canolfan dreftadaeth ac unedau busnes.

Ar un adeg roedd y safle yn cyflogi 2,500 o bobol.

Cafodd y gwaith ei gau yn 1990 ar ôl bod yn cynhyrchu dur am bron i 200 mlynedd.

Image copyright Ymddiriedolaeth Treftadaeth Brymbo
Image caption Llun artist o adeilad y Siop Beiriannau