Solihull Moors 0-1 Wrecsam

Anthony Barry Image copyright Getty Images
Image caption Anthony Barry gafodd yr unig gôl

Mae Wrecsam yn parhau yn ddegfed yn y tabl ar ôl curo oddi cartref yn erbyn Solihull Moors.

Daeth cic o'r smotyn llwyddiannus yn gynnar yn y gêm i Anthony Barry ar ôl i groesiad Paul Rutherford's daro braich Kristian Green.

Fe darodd cic rydd Izale McLeod y postyn ond roedd Wrecsam yn edrych yn gyfforddus a Solihull ddim yn cynnig llawer mewn gêm flêr.

Fe gollodd y tîm cartref un o'i chwaraewyr yn yr ail hanner ar ôl iddo gael ei anfon o'r cae.