Arweinydd Plaid Werdd Cymru'n ymddiswyddo

  • 6 Mawrth 2017
Alice Hooker-Stroud

Mae Alice Hooker-Stroud wedi cyhoeddi y bydd yn gadael ei rôl fel arweinydd y Blaid Werdd yng Nghymru.

Roedd Ms Hooker-Stroud wedi bod yn arweinydd ers 2015, a bydd yn cael ei holynu gan y dirprwy arweinydd presennol, Grenville Ham.

Dywedodd Ms Hooker-Stroud bod diffyg arian ar gyfer pleidiau llai yn y DU wedi cyfrannu at wneud ei rôl gwirfoddol yn un anghynaladwy.

Bydd yn gadael fel arweinydd ar ddiwedd y mis.

Image copyright Plaid Werdd Cymru
Image caption Grenville Ham yw'r dirprwy arweinydd ar hyn o bryd

Cafodd Mr Ham, sy'n rhedeg cwmni peirianneg nid-er-elw, ei ethol fel dirprwy arweinydd ym mis Rhagfyr.

Mae'n gyn-ymgeisydd etholiad y Cynulliad, a bydd yn ymgeisydd ar gyfer etholiadau'r cyngor yn Aberhonddu ym mis Mai.